新年快樂!!情人節快樂!!!
真係好凍呢!
話咁快就放完新年假期喇~大家有冇溫英文先?定係顧住逗利是,勁食蘿蔔糕,同埋勁打機呢?
好開心有幾日假放,於是Pinki好努力咁逗利是,睇下我d收穫!!哈哈~~
我d學生真係愈來愈可愛,成日催我派利是,通常我都會回應,「我都未結婚,點派喎~」聰明既佢地竟然…送左張新婚快樂既卡和一大堆留言俾我!!
哈哈!!即係屈我結左婚咁話啦~~有同學仔寫住要我快d請飲~有同學仲話女仔最好30歲之前嫁得出(哈哈~仲有時間wor~~~唔好咁心急先得架!!~)總之全部留言都勁窩心啦~謝謝!!利是就未有得派住啦~俾d搞笑野你地睇啦!
情人節當日,竟然有同學寄左封搞笑「情信」去學校俾我,哈哈哈~呢個同學仔快d自首吧!!!(嫌疑同學仔位於九龍灣/將軍澳/太子分校) 一係你地靜雞雞話我知,等我厚酬過你地…利是……糖一粒啦!!(好感動哩?!)
p.s.:我要多謝同學仔既珍珠奶茶~朱古力~戲票~北海道手信~呵呵!祝大家快高長大!身體健康~學業進步啦!
