其實APRIL平日除左返工之外又真係冇乜特別的嗜好，來來去去都係食同瞓，咁我冇理由俾D瞓的樣你睇架，咁就唯有俾我的食相你欣賞下啦！
呢次就帶大家去食「宵夜蒲飛」(冇法啦，APRIL落得堂黎都已經係宵夜啦！！)，而係咁多野食入面，我最最最最鍾意的就係”魚生啦”
你睇幾肥美……………..D三文魚！！！簡直就色澤鮮艷，層次分明，肉厚多汁，正。
其實我最最最(得三個”最”咋)鍾意的就係”甜品”啦！我平日就好鍾意食朱古力，好多同學可能都見過我轉堂”靜雞雞”偷食朱古力，而我仲試過俾人當場遞捕添…..鳴鳴鳴 (可唔可以整個喊樣呀?)
但今次要介紹下呢個唔知叫乜野的乜野……….我諗佢係草莓啫厘掛。首先細細杯容易食，再加上酒紅色的顏色好吸引，再加上入口…….嘩……..超酸呀，正呀！
最後，就係每次食自助餐都要食幾杯的”哈梗大”雪糕。其實我本身就好鬼鍾意食雪糕架，無論咩牌子同味道，曾經食過最特別的就係”榴槤味”雪糕，因為食的時候俾隔離個個話好臭，俾人勒令停止食雪糕呢個動作，簡直就係唔識欣賞。
今次俾個正常D的你地睇，就係朱古力果仁味，朱古力超濃，果仁大大粒，又係超正！！
總結而言呢個宵夜蒲飛係超低架…….想知邊間，我係唔會係度話你知架，上堂問我啦！
