好快，真係好快！我講緊嘅係我新買嘅「殺人」武器 – Yonex NANOSPEED 9900 JP.。羽毛球界嘅發燒友一定知我所指嘅係人稱 YY品牌最新出產嘅球拍皇之皇 – 擊球速度真係快到可以殺死人。但係熟悉我嘅學生會問：乜 Ravi 唔係打籃球，係打羽毛球嘅咪？
其實我都係最近先對打羽毛球產生興趣。我以前讀書對打羽毛球一Ｄ興趣都冇係因為我覺得呢種運動唔有型。打籃球、踢波不知型幾多。直至上個月有一日假期我陪我Ｄ親戚打羽毛球，又發覺幾好玩。加上自己手長腳長，同埋成身肌肉充滿爆炸力，覺得自己都應該有一番作為，所以就開始抽鑽研同苦練。只可惜冇時間報名參加一Ｄ專業訓練課程，唯有一有時間就上 Youtube 睇林丹打波偷師。
宜加已經有Ｄ成積，反應快，扣殺勁。 有專業羽毛球手可以將羽毛球用扣殺方法打入一個西瓜裡面，而我希望可以練到用羽毛球將個榴槤打爆，到時將佢拍成一段片擺上 Youtube, 肯定紅爆！
