咁不如就等我分享一下暑期的開心野先啦！今個暑期真係勁開心，因為有一個難忘的希臘之旅，而呢個地方係我由細到大都好恨去架！！個度日日都好好天氣，天空上仲一嚿雲都冇架，我仲可以一嚐住下白色小屋的滋味，個景真係靚到暈呀！！！
仲有當地的人勁勁勁勁勁NICE，佢地一般的英文唔係話太好，但基本的英文單字都可以溝通到。而最搞笑的係，有時佢地聽唔明你講乜，但佢都會好友善咁答你「ok..ok..ok..!」又或者講「nevermind.......」然後再報以一個燦爛的笑容。你睇下將相就知佢地的笑容幾咁燦爛啦！！！
至於呢將相，好多同學都問左我啦「APRIL，乜你終於都嫁得出啦！！！邊個咁慘呀？？？」你地可以放心，呢個咁慘的人仲未出現，APRIL仲未有人要……(嗚……嗚……嗚……佢幾時先現身呀！！！）咁點解會影呢，只不過係同我同行的朋友真係結婚，而我又貪得意，又見個景咁靚，又咁恨嫁，咪借住黎影下相先囉！！見影得咁靚先同你地分享下咋……
